ماذا ولمآذا ....................!!

ليه اللى بيحصل ده بيحصل
طيب ليه احنا كده
و بعدين ايه اللى هيحصل او احنا المفروض نعمل ايه

يا جماعة الموضوع ده محيرنى جدا
مش الاسئلة ده....انا قصدى الحيرة
انا حيران جدا....الحيرة محيرانى
مليون موضوع قدامى بس انا حاسس انى تايه

عارف انكوا هتقولوا عليا مجنون
بس اعمل ايه بجد انا مش عارف
اذاكر ولا افشل...ايه اللى هيحصل فى الحالتين
طيب انا كده كده مش فاشل و بذاكر
ايه اللى هيحصل فى الاخر

احنا ليه بنحب...و يا ترى كل الحب حوارات
هو انا ممكن متجوزش
طيب ايه اللى هيحصل لو اتجوزت

هو انا رياضى فعلا و قوى ولا انا بخدع نفسى وانا اهبل اساسا
طيب هوصل لغاية فين فى الرياضة

و بعدين لو اتجوزت هخلف ولا لأ
ممكن اكون اب وحش و اولادى يطلعوا فاشلين

لو عشت لوحدى هعرف اطبخ و اغسل لنفسى ولا هبقى خايب
و هل انا اصلا بحب اهلى ولا كاره حياتى

هل ممكن فى يوم انى اتشهر بأى حاجة انا بعملها
بالراب او الرياضة
طيب ايه اللى هيحصل ساعتها

ليه الناس بقت تعامل بعضها كده
طيب هو انا وحش ولا الناس بتحبنى
ممكن اكون مش جميل ولا انا وسيم
طيب انا ظريف ولا الناس بتقول عليا رخم


كل الحاجات ده بفكر فيها و حاجات اكتر بكتير و مش عارف انا كده مجنون ولا ايه
الموضوع ده مشاركة بينا كلنا و ابداء رأى
يا ريت كل واحد يقرأ الموضوع يقولى رأى او نصيحة او حتى يشاركنى همومه و مشاعره